رواية احلام المراهقه الفصل الثامن عشر 18 بقلم هي هي جنتة
السلام عليكم ورحمه الله وبركاته
حبيباتي في الله معاكم اليوم الفصل الثامن عشر
احلام_المراهقه
بقلم هي هى جنتة
عايز تموتني يافريد موتني انا خلاص تعبت منك اكتر من تلت
سنين مستحمله مرار وقهره خلاص تعبت وغمضت عيونها
فريد بيبكي علي حاله قعد على الارض ضامم
رجيه الي صدره وبيفرك شعره بإيده وبعدين
ضم ايده اليه اكنه حاضن نفسه وبيبكي وفجأة الباب خبط
كان البوليس وسيارة اسعاف واقفين قدام الشاليه ومفيش رد
الظابط محمود ماسك فونه وبيكلم
الفاروق :ايوا مفيش رد اعمل ايه ارجع ولا ايه
الفاروق:محمود حاول اوعي تمشي من عندك إلا وهي معاك
محمود:طيب هحاول اخر محاوله عشان انت صحبي وليك جمايل عليا كتييير
الفاروق:انجز مش وقت جمايل دلوقتي
محمود خبط علي الباب وبعد مده فتح فريد وهو في حاله يرثي لها
محمود:انت فريد
فريد وهو محطم كليا :ايوا انا
محمود: انت متهم بخطف د/سلمي هل الكلام
دا صحيح وهي فين د/سلمي
فريد بدون كلام شاور عليها وهي مقيده في الكرسي وواقعه على الارض مغمي عليها
محمود بص عليها ووجه كلامه للقوه اللي
معاه :بسرعه اقبضو عليه وخلو رجال الاسعاف يجو يشوفوها
اضابط عصام :شوفها حضرتك يمكن تكون ماتت
محمود: الفاروق نبه عليا مهما كان مكشفش وشها فمش عايزه يزعل لو عرف اني شوفتها
دخل رجال الاسعاف وشالوها واخدوها في عربيه الاسعاف
وقالو ان عندها هبوط حاد في الدوره الدمويه
من قلة الاكل واخدوها علي المستشفى
محمود:ايوا لقيتها وهي دلوقتي في طريقها المستشفى
الفاروق :وانا كمان في طريقي للمستشفي
محمود: انت جاي بجد
الفاروق:ايوا كلها نص ساعه وابقي موجود عندها
محمود:دا انا هقول لرضوه مراتي تجهز عشا
دي هتفرح لو عرفت انك جيت شارم و مش
هتسيبك غير لما تتعشا معانا وتبات عندنا
الفاروق: محمود مش وقتك انا لازم اطمن علي سلمي الاول
محمود:هي دي سلمي اللي حكيت لي عنها
الفارق:ايوا خلي بالك منها لحد موصل ولو
فاقت متجيبش سيرتي لانها متعرفش اني في مصر
محمود:حاضر انا دلوقتي عرفت ايه سبب اهتمامك بيها
سلام
الضابط عصام:هو مين الفاروق دا وايه حكايته
محمود:الفاروق دا اصلا مكانش مسلم حب بنت مسلمه
وهي مقبلتش حبه عشان اختلاف الدين فأسلم ونزل مصر
عشان يدور عليها فاشتغل في المستشفى عندنا هنا في شارم
وفي الوقت دا مراتي عملت حادثه بالعربيه وكانت بين الحياه
والموت وسبحان الله قدر ربنا يجعل شفائها علي ايديه
ومن يومها واحنا بنعتبره اخ ومراتي مش بتقوله الا ياخويا
ووصلت سيارة الإسعاف الي المشفي وبسرعه
بدأ الاهتمام بيها علي اكمل وجه لانها من
طرف د/الفاروق المحبوب للمشفي كلها وبعد
دقايق وصل الفاروق لبس كمامه ونضارة
شمس ودخل عندها وكشف عليها بنفسه
واهتم بيها واتصل علي فاطمه وطمنها انها
بخير وكلها يومين وهتنزل القاهره
فضلت اول يوم سلمي مجهده وعندها حمه
والفاروق قاعد جنبها يرعاها لحد الحمدلله بدأت تفوق
سلمي فتحت عيونها لقت دكتور نايم علي الكرسي قدامها
ولابس كمامه ونضارة شمس فبصت واستغربت وابتسمت
وقالت:هو في حد بينام بنظاره شمس ههههههههههه
فاق الفاروق علي صوتها :انتي فوقتي وبدأ يكشف عليها
سلمي : انا فين ؟
الفاروق:انتي في المشفى
سلمي:وفريد فين؟
الفاروق اتضايق انها سألت عنه بعد اللي عمله
معاها:في السجن اتقبض عليه بتهمة خطفك
سلمي زعلت وسكتت وبصت علي الدكتور اللي لابس نضاره
شمس وادارت وشها الناحيه التانيه وضحكت ضحكه مكتومه
الفاروق:الحمد لله انتي بقيتي كويسه تقدري تروحي النهارده
سلمي :شكرا دكتور لو سمحت عايزه احجز تذكره القاهره
الفاروق: دقايق وتذكرتك تكون جاهزه
عمل تليفون ورد عليها البسي حضرتك
في عربيه هتكون مستنياكي برا المشفى عشان توصلك بس
قوليله اسمك بس
سلمي :طب اتفضل دى الفيزا بتاعتي احجزلي بيها
الفاروق: طب شويه وجاي وهاخدها من حضرتك اجهزي
بسرعه عشان طيارتك بعد ساعه
خرج الفاروق ومرجعش لسلمي تاني ومأخدش الفلوس
وسلمي بحثت عنه في كل مكان بس مش لقياه لانها اصلا متعرفش اسمه
خرجت لقت عربيه واقفه راحت للسواق انا د/ سلمي
السواق نزل من العربيه وفتح الشنطه وشال شنطتها ودخلها
وفتح لها الباب الخلفي فركبت وقبل متنزل جات تحاسب
قالها الحساب خالص لان في حد حاسب عليه فاستغربت
ودخلت المطار وسألت علي تذكره بأسمها لقتها محجوزه
ومدفوع تمنها فسألت عن مين اللي حاجز فقالت لها البنت انها متعرفش
روحت بيتها
فاطمه اخدتها في حضنها وبتبكي : بنتي حبيبتي انا اسفه
انا السبب انا اللي جوزتك ليه
سلمي:ماما خلاص دا نصيب انا كويسه
فاطمه :هنعمل ايه دلوقتي
سلمي :اول حاجه لازم تتعمل هرفع قضيه بالطلاق واكيد
هيتحكملي فيها من اول جلسه خصوصا انه دخل مستشفي
للامراض النفسيه و العصبية
فاطمه :وحماكي وحماتك هتعملي معاهم ايه
سلمي:دول الله يكون في عونهم ياأمي دي خسارة ابنهم الوحيد
فاطمه :لازم نروح نطمن عليهم طب وبعد كدا هتعملي ايه
سلمي بتنهيده طويله : تاني حاجه بقي دى لازم ارجع
المشفي خلاص بقي حالة الركود اللي كنت فيها خلاص انتهت
ارجع اشوف شغلي واخلي بالي من المشفي
شويه عمو علي كبر ولازم ابقي ايدى بايده
وكفايه انه استحملني دا كله
وراعاها بدالي المهم جوجو فين وحشتني
فاطمه :فوق بتكلم صديقها الصدوق
سلمي:صديقها مين
فاطمه :د/الفاروق دا يابنتي ونعم الاخلاق ربنا يصلح حاله لولاه مكناش نعرف حقيقة فريد
سلمي باستغراب :وهو ماله بفريد
فاطمه : ماهو دا الدكتور اللي كان بيعالج فريد وجوجو
وهو اللي قال ان فريد معندوش حاجه وهو اللي اتصل علي
الضابط صديقه اللي انقذه المفروض ياسلمي نروح نزوره
ونشكره علي اللي عملو معانا واللي بيعملو مع جوجو
سلمي:ان شاء الله ياماما هنشكره قريب
جوجو في غرفتها بتلعب بألعابها فتحت سلمي الباب بالراحه
واتكلمت بهمس جوجو حبيبة امها فين
جوجو اول لما شافت امها جرت عليها واخدتها في حضنها
؛ماما حبيبتي وحشتيني خالص انتي كنتي فين جوجو قلقت
عليكي ونناه كمان وبابا عمر
سلمي:بابا عمر مين بابا عمر ؟
جوجو:خافت لامها تزعلها انها بتقول لحد تاني يابابا
سلمي :مين بابا عمر ياجوجو قوليلي مش انتي بتحبيبني ومش بتخبي عني حاجه
جوجو:دا ياماما د/ الفاروق عمر وانا بحبه كتير اوي ياماما
وبحبه اكتر من بابا كمان وانا في المشفى كان بيلعب معايا
بابا عمره مالعب معايا وكان كل يوم يطمن اني نمت ويغطيني
لما بتكوني مش موجوده وبابا عمره ما دخل عليا وانا نايمه
وغطاني وكان بيحفظ معايا قرآن وبابا عمره مسألي بحفظ
ولا لأ وكل يوم بيتصل عليا ويطمن عليا ولو جوجو غلطت
مش يزعقلي بس بيفهمني غلطي عمر بابا متكلم معايا بهدوء
ماما مش تزعلي من جوجو ،جوجوحاسه انه بابا حبيبي
سلمي:لا مش زعلانه انا فرحانه ان في حد عوضك عن حنان الاب ايه رأيك نروح نشكر د/الفاروق
جوجو:بجد ياماما جوجو فرحانه خالص
سلمي:بس هبدأ شغلي ونروح انا وانتي وماما نشكره
سلمي راحت اول يوم ليها الشغل دخلت مكتب د/علي
سلمي: السلام عليكم ورحمه الله وبركاته
د/علي: وعليكم السلام ورحمه الله وبركاته سلمي حبيبتي انتي هنا بتعملي ايه
سلمي:جايه ابدأ شغل ايه رايك
د/علي : بجد يعني انتي خلاص هتنزلي شغلك يااااااااااه
اخيرا ياسلمي انتي ضيعتي سنين من عمرك كان زمانك اكبر
جراحه في مصر دلوقتي يلا الحمدلله على كل حال المهم طبعا
هترجعي قسمك بس للاسف هتبقي تحت اشراف اشهر جراح
عندنا ولسه هيكمل كلام لقي الباب بيخبط واذن بالدخول
دخل الفاروق اهو الدكتور اللي هتبقي تحت اشرافه
لفت سلمي وبتبص وراها فانصدمت من اللي شافته
سلمي😳😳😳😳😳:رى ون
الفاروق:سلمي 😟😟
ياتري ايه اللي هيحصل بعد كدا وهيبقي اللقاء ازاي ؟
اترككم في رعاية الله وحفظه
احلام_المراهقه
بقلم هي جنتة
